Rapòte fwod, gaspiyaj ak abi

Malerezman, sa ka rive ou temwen yon zak fwod oswa abi ki gen rapò avèk sèvis Medicaid yo.

Kèk egzanp zak fwod ak abi yon pwofesyonèl sante ka komèt

  • Faktire w pou yon sèvis AmeriHealth Caritas Florida sipoze peye pou li.
  • Ba w yon kado oswa kòb pou resevwa yon tretman oswa yon sèvis ou pa bezwen.
  • Ba w sèvis, ekipman oswa founiti gratis si w kite yo itilize nimewo manm AmeriHealth Caritas Florida w la.
  • Ba w yon tretman oswa yon sèvis ou pa bezwen.
  • Abi fizik, mantal oswa seksyèl nan men yon travayè medikal.

Kèk egzanp zak fwod ak abi yon manm ka komèt

  • Manm nan vann kat idantifikasyon l lan bay lòt moun.
  • Manm nan prete lòt moun kat idantifikasyon l lan.
  • Manm nan abize prestasyon l yo lè li mande medikaman oswa sèvis ki pa nesesè pou rezon medikal.

Fason ou ka rapòte fwod ak abi

Pou rapòte fwod ak abi, tanpri rele liy asistans AmeriHealth Caritas Florida a nan 1-866-833-9718. Epitou, ou ka rapòte fwod ak abi nan liy asistans pou plent konsomatè Florid yo nan  1-888-419-3456. Si w pa konnen si sitiyasyon an se yon fwod li ye oswa si w gen kesyon, tanpri rele ekip sèvis pou manm AmeriHealth Caritas Florida yo nan 1-855-355-9800.

  • Pou rapòte yon zak fwod oswa abi yon manm oswa yon pwofesyonèl sante komèt, rele nan nimewo gratis 1-866-833-9718, lendi pou vandredi, soti 7 è nan maten rive 6 è diswa nan lè ET. Apèl sa a ka anonim. Ou pa oblije bay non w.
  • Rapòte yon zak fwod oswa abi yon manm oswa yon pwofesyonèl sante komèt bay Biwo Enspektè Jeneral la, ki fè pati Depatman Sèvis Sante ak Sèvis Sosyal Etazini an: https://oig.hhs.gov/fraud/report-fraud/. Ou pa oblije bay non w, men si w ta fè sa, pwofesyonèl sante a oswa manm nan pa p konnen se ou ki te rapòte sa l fè a.

Fason pou rapòte abi, neglijans ak esplwatasyon

Manm AmeriHealth Caritas Florida yo gen dwa pou yo pa sibi abi, neglijans ni esplwatasyon. Li enpòtan pou w konprann fason ou ka detekte jan de sitiyasyon sa yo ak fason ou ka rapòte yo.

Abi se kapab yon abi:

  • Fizik
  • Emosyonèl
  • Seksyèl

Abi gen ladan l doulè, blesi, soufrans mantal, fèmen w yon kote oswa kenbe w yon kote alòske se pa sa ou vle, ak lòt tretman san pitye.

Neglijans se kapab:

  • Lè ou pa ka pran swen tèt ou ni jwenn swen ou bezwen yo yon fason ki mete lavi w an danje. Sa rele “neglijans ou fè sou tèt ou.”
  • Lè moun ki sipoze pran swen w lan pa ba w bagay debaz ou bezwen yo yon fason ki mete sante w oswa sekirite w an danje. Moun sa a gendwa pa fè espre neglije w poutèt li pa kapab ba w swen oswa pran dispozisyon pou w jwenn swen ou bezwen yo. Epitou, moun ki sipoze pran swen w lan gendwa fè neglijans poutèt li bay vag sou bezwen w yo.

Esplwatasyon (si yo fòse w fè yon bagay ou pa vle fè oswa si yo mande w fè yon bagay alòske ou pa konnen vrè rezon ki fè yo mande w sa) ka gen ladan l:

  • Fwod oswa brimad
  • Fè fo papye
  • Itilizasyon kont an bank oswa kat kredi san otorizasyon

Esplwatasyon finansye se lè yon moun ki sipoze pran swen w mal itilize kòb yo bay pou pran swen w lan. Yon ajans gouvènman ba w oswa li bay moun k ap pran swen w lan kòb sa a.

Si w panse ou menm oswa yon lòt manm AmeriHealth Caritas Florida vitkim youn nan sitiyasyon sa yo, tanpri fè jesyonè swen/kowòdinatè swen w lan konn sa epi kontakte youn nan ajans ki anba yo:

    Patisipan yo